Ég heiti Ásgeir Máni Gunnarsson en hef alltaf verið kallaður Máni, ég fæddist 4. júní árið 2005 og er því 18 ára gamall.  

Áhugamálin mín eru fótbolti og hef ég æft og keppt með Fylki síðan ég var smápatti. 

Ég hef alla mína ævi átt heima í Árbænum. Ég kláraði mín fyrstu sjö grunnskólaár í Selásskóla og fór síðan í unglingadeildina í Árbæjarskóla. Ég lauk grunnskóla­prófi árið 2021 og þaðan lá leiðin beint í grunnnámið á Upplýsinga og fjölmiðlabraut í Tækniskólanum. Á brautinni kynntumst við fjórum brautum ljósmyndun, grafískri miðlun, prentun og bókbandi. 

Þegar ég byrjaði í skólanum stefndi ég á að læra ljós­myndun en skipti um skoðun eftir grunnnámið og er því að fara að útskrifast úr grafískri miðlun. Síðan er stefnan tekin á að klára starfsþjálfun og taka sveinspróf. 

Ég vissi ekki mikið um námið þegar ég byrjaði en hef haft mjög gaman af því og lært alveg helling í grafískri miðlun og hlakka til framtíðarinnar.